U grupi kvalifikacija za Mundijal u kojoj Crna Gora dobija lekcije iz kola u kolu, Hrvatska blista, a remijem 0:0 protiv Češke odškrinula je vrata Svjetskog prvenstva.
Nakon ovog rezultata, Hrvatska je i dalje prva u svojoj grupi sa 13 bodova, isto koliko ima i drugoplasirana Češka, koja ima jednu odigranu utakmicu više.
“Osvojili smo bod, ali to je veliki korak ka Svjetskom prvenstvu. Imali smo problema u prvom poluvremenu — protivnik je ušao u meč jako dobro, bili su bolji i agresivniji, imali smo dosta poteškoća u tom dijelu. U drugom poluvremenu smo bili bolji. Perišić je imao dvije stopostotne šanse, ali, kažem, igra nije bila na nivou, možemo mnogo bolje i kvalitetnije. Ipak, moramo biti zadovoljni bodom koji nam mnogo znači”, rekao je selektor “vatrenih” Zlatko Dalić.
Nastavio je…
“Idemo do kraja maksimalno ozbiljno i profesionalno. Igramo u Varaždinu, idemo zadovoljni. Moja stota utakmica? Malo smo proslavili, predsjednik je održao kratak govor, fotografisali smo se i napravili majice. Idemo dalje kao velika porodica. Idemo ka Svjetskom prvenstvu, a sve dalje ćemo vidjeti poslije toga”, rekao je Dalić.
