Gabrijel Žesus je dobio novi ugovor sa Mančester Sitijem.
21-godišnji napadač koji je oduševio igrama u timu iz Mančestera nagrađen je novim poboljšanim ugovorom.
On je produžio vjernost klubu do 2023. što je za dvije godine duže nego po prošlom ugovoru.
Građani su odlučili da žesusu uvećaju platu sa 70 hiljada funti nedjeljno na 100 hiljada funti.
“Ovo je najbolja odluka koju sam mogao da donesem u životu jer napredujem i profesionalno i personalno. Vrlo važan faktor u cijeloj ovoj priči bio je menadžer Pep Gvardiola. Siti je veliki klub, koji konstantno raste. Hvala svima koji su mi omogućili da budem ovdje”, kazao je Brazilac.
Žezus je u Siti došao 2017. godine, a u 53 utakmice je postigao 24 gola.
