Pari sen Žermen je doveo još jednog štopera za novu sezonu.
Džerom Boateng je bio prvi izbor Parižana u trci za novog štopera PSŽ-a, međutim nije došlo do dogovora.
Sveci su ipak rješenje pronašli u Njemačkoj, tačnije u Gelzenkirhenu.
Novi igrač PSŽ-a je Til Kerer, 22-godišnji štoper.
Šalke će dobiti 37 miliona eura, samo tri miliona manje od željenih 40 koliko su tražili na početku pregovora.
„Sinoć smo se dogovorili sa čelnicima PSŽ-a. Transfer je takav da Šalke nije mogao da odbije ponudu iz Pariza. Preostalo je samo da usmeni dogovor prenesemo na papir. Sve će biti riješeno naredne sedmice. Iz dubine duše želim Kereru sve najbolje u karijeri“, potvrdio je Kristijan Hajdl, sportski direktor Šalkea.
