Služba zaštite i spašavanja Glavnog grada danas je dobila informaciju od Direktorata za zaštitu i spašavanje – OKC, da se u predjelu Kuča u mjestu Kastrat nalaze zarobljena lica u sniježnim smetovima.
Kako su naveli iz Službe, na licu mjesta upućen je specijalizovani alpinistički tim Službe zaštite i spašavanja Glavnog grada sa dvoje vozila i dvoje motornih sanki.
“Do lica mjesta veći dio puta bio je pod sniježnim smetovima tako da su pripadnici Službe ostavili vozila na nekoliko kilometara od lica mjesta i put nastavili motornim sankama. U 17.15h stigli su do navedenog mjesta gdje su se nalazile osobe koje su promrzle a iste su u svjesnom stanju”, kazali su iz Službe zaštite i spašavanja Glavnog grada.
Akcija spašavanja je u toku….
