Ekonomija

Balkanski gigant odlazi zauvijek u istoriju

Agrokor s današnjim danom odlazi u prošlost, a s radom započinje Fortenova grupa koja će preuzeti poslovanje Agrokor grupe.

Od ukupno 159 kompanija koje djeluju u sastavu Agrokor grupe, implementacijom nagodbe 47 neodrživih kompanija se “zrcali” na nova društva Fortenova grupe s novim imenom “plus” pa će se tako, na primjer, poslovanje Konzuma nastaviti kao Konzum plus, Jamnice kao Jamnica plus itd.

Udjeli u preostalih 30 hrvatskih održivih kompanija prenijeće se na Fortenovu grupu, a po prenosu udjela te kompanije izlaze iz postupka vanredne uprave.

Udjeli 82 kompanije koje su izvan Hrvatske kao i onih koje nisu u postupku vanredne uprave na Fortenovu grupu će se prenositi kada i ostala imovina, a prenosi će se evidentirati skladno zakonima mjerodavnih jurisdikcija, što je ranije moguće i na troškovno najefikasniji način.

Postupak vanredne uprave će formalno trajati dok se ne završi postupak pripajanja starih, neodrživih društava Agrokora d.d. i dok on ne bude brisan iz sudskog registra.

Za danas je sazvana i prva skupština vlasnika nove Fortenove grupe. Ta će se skupština održati u Amsterdamu i mogu da joj prisustvuju svi koji imaju depozitarne potvrde. Na toj će skupštini između ostalog, odlučivati i o imenovanju članova Upravnog odbora Fortenove grupe i njihovim naknadama.

U Upravnom odboru će biti ukupno devet članova, od kojih je osam neizvršnih članova i jedan izvršni član, prenose regionalni mediji.

Send this to a friend