Predstavu je režirao Petar Pejaković, a igraju Radmila Božović i Slaviša Grubiša.
Nastala je kao diplomska predstava studenata glume na Fakultetu dramskih umjetnosti na Cetinju.
Tigar je zvijer, koja za razliku od ostalih zvjeri, iz “čista mira” napada i ubija čovijeka. Tigar je komad o “malom čovijeku”, o običnim ljudima. Poštar otima domaćicu i odlučuje da je ritualno muči i ubije. Žestoko frustrirani životom, svojim vlastitim, ali prije svega društvenim sistemom koji ih čini bespomoćnim i “malim”, oni iz očaja traže tigra u sebi koji će im dati moć da promjene svoje živote. Tigar je i triler i komedija i melodrama. Dželat i žrtva se zbližuju, patologija njihovih malih normalnih života pretvara se u normalnost patološke situacije sa srećno fatalnim krajem.
Tigar je ironična priča o frustriranosti, nasilju i ljubavi.
