U spavaćoj sobi možda provodite najmanje vremena, ali je veoma važno da ona bude lijepa, svježa i čista, kako biste se i sami takvi probudili i započeli novi dan.
Stručnjaci preporučuju da svako jutro skinete posteljinu i stavite je na žicu da se prosuši, jer tijelo preko noći izgubi oko jednu četvrtinu litre vode, a tako se talože i razne bakterije.
Dok se vi spremate za obaveze koje vas čekaju, neka se posteljina suši 15 minuta, pa je vratite u krevet. Ne morate da je iznosite napolje, dovoljno je da je stavite preko stolice ili drugog, praznog kreveta.
Preporuka je da dušek prekrijete pamučnom presvlakom, kako biste ga zaštitili, a povremeno ga usisajte jer se tu skuplja prašina.
Jastuke s vremena na vrijeme iznesite na vazduh da se “osunčaju”, a jastučnice mijenjajte dva puta nedjeljno, zato što se na njima taloži najviše nečistoće.
Promijenite ih kada “ostare”, a to ćete znati tako što ćete ih protresti i staviti preko ispružene ruke.
Ukoliko je svaka polovina pala na svoju stranu, znači da je vrijeme za novi jastuk.
