Trener Juventusa Masimo Alegri bio je prezadovoljan poslije teške pobjede na terenu Lacija.
“Stara dama” bila je u podređenom položaju 70 minuta, domaći tim je vodio 1:0 i propustio nekoliko prilika, pa je na kraju poražen 2:1.
“Već pet godina sam trener Juventusa i nikada nismo ovdje lako došli do bodova. Jednostavno je uvijek teško savladati Lacio u Rimu. Zbog toga sam zadovoljan trijumfom”, rekao je Alegri.
Strateg Juventusa najavio je predstojeći Kup duel protiv Atalante.
“Nemamo mnogo vremena za odmor i slavlje. Brzo nas čeka težak meč sa Atalantom. Vidjećemo kakva je situacija sa Bonućijevom povredom, a očekujem da se u tim vrati Pjanić”, istakao je Alegri.
Juventus je i dalje neporažen u Seriji A i suvereni je lider sa 11 bodova više od Napolija.
