Stefano Pioli ide na kraju sezone iz Milana, navijači žele da ga naslijedi Antonio Konte, ali je pitanje koliko je realno s obzirom na to da iskusni trener zarađuje preko 10 miliona eura godišnje.
“Rosoneri” su bili počeli pregovore sa Đulenom Lopetegijem, koji je sada najbliži Vest Hemu, u igri su Paulo Fonseka i Seržo Konseisao, a legendarni Arigo Saki vjeruje da bi Milan novo ime trebalo da traži među domaćim stručnjacima.
“Mnogo toga uvijek zavisi od izbora trenera, pa i to kakva će biti Milanova sadašnjost i budućnost. Ako se traži mlad trener – birao bih Roberta de Zerbija, a ako se traži iskustvo – onda bi to bio Mauricio Sari”, rekao je Saki.
De Zerbi je pod ugovorom sa Brajtonom, sok je Sari bez posla nakon što je prije nekoliko mjeseci napustio Lacio.
