Na krilima raspoloženog Edena Azara, fudbaleri Čelsija pobijedili su VBA 3:0 u posljednjem meču 27. kola Premijer lige.
Belgijanac je poslije duplog pasa sa Olivijeom Žiruom omogućio prednost domaćem timu u prvom dijelu meča.
Bio je Čelsi bolji i u nastavku, da bi nakon kombinacije sa Fabregasom Viktor Mozes duplirao vođstvo “plavaca”.
Konačan rezultat efektnim golom postavio je Eden Azar.
Čelsi se vratio u zonu Lige šampiona sa bodom više od Totenhema, a jednim manje od Liverpula.
VBA je ostao na posljednjem mjestu sa sve manjim šansama da ostane u Premijer ligi.
B.J.
