Eden Azar je ušao sa klupe u drugom dijelu meča sa Arsenalom i asistencijom omogućio Markosu Alonsu da odluči utakmicu.
“Plavci” su pobijedili u gradskom derbiju 3:2 i imaju maksimalan učinak nakon dva kola u Premijer ligi.
“Osvojili smo važna tri boda na svom terenu. Cijela ekipa odradila je odličan posao i zbog toga svi momci zaslužuju čestitke. Meni je drago i što sam vidio starog prijatelja Petra Čeha”, nije Belgijanac zaboravio da pomene i golman Arsenala, a inače dugogodišnjeg čuvara mreže “plavaca”.
Azar je u dva kola Premijer lige upisao dvije asistencije.
Prošlog vikenda takođe je kao rezervista zaigrao i pripremio pogodak Pedru.
Azar je na startu sezone na klupi jer se nakon Mundijala kasnije priključio timu i još nije spreman na maksimalnom nivou.
B.J.
