Borusija Dortmund je savladala Hofenhajm u šestom kolu Bundeslige i makar na noć preuzela prvo mjesto na tabeli.
“Milioneri” su došli do četvrte pobjede (3:1), imaju i dva remija, pa su na bod više od Bajerna i Bajera koji u subotu igraju svoje mečeve.
Borusija je povela u 18. minutu golom Filkruga, a domaćin već u 25. stigao do izjednačenja kada je penal iskoristio Kramarić.
Rojs je u sudijskoj nadoknadi pogodio za 1:2, a konačan rezultat je postavljen u posljednjim sekundama utakmice kada se upisao Norvežanin Rajerson.
