Čelsi je protiv Brajtona prekinuo niz bez pobjede i datog gola, koji je trajao više od mjesec, ali je platio uspjeh povredama prvotimaca.
Na probleme su se nakon meča Liga kupa požalili Ben Čilvel i strijelac jedinog gola Nikolas Džekson.
„Ova pobjeda je za nas veoma važna, prošli smo u narednu rundu iako tokom prethodnih utakmica nismo uspjeli ni da postignemo gol, a ni da trijumfujemo. Ovo mora da bude naša prekretnica. Vidio sam mnogo ohrabrujućih stvari, igrači se bore i daju sve od sebe. Bilo je krajnje vrijeme da nas krene”, rekao je menadžer Maurisio Poketino.
Džekson se nakon utakmice požalio na bol u zglobu desne ruke, dok Čilvel ima problema sa zadnjom ložom.
