Trener Mančester Sitija Pep Gvardiola hvali igru Monaka u prvom susretu osmine finala Lige šampiona I smatra da su njegovi izabranici napravili dobar rezultat uoči revanša na stadionu Luj II.
Siti i Monako su odigrali jednu od najboljih utakmica u elitnom takmičenju u skorije vrijeme, a “građani” su ti koji imaju veći razlog za zadovoljstvo, zahvaljujući sjajnom preokretu u finišu meča.
Engleski premijerligaš je sa tri gola u posljednjih 13 minuta stigao do pobjede rezultatom 5:3, iako je gubio u dva navrata (1:2 i 2:3).
“Toliko toga se izdešavalo. Imali smo dosta sreće, ali bili smo i mentalno stabilni. Nije lako igrati protiv tako brze ekipe, kao što je Monako. Vidjelo smo kakva je to ekipa, tako da ćemo u revanšu morati da postignemo još golova. Teško da ćemo uspjeti da sačuvamo mrežu. Oni mogu da postignu bar dva ili tri gola, ali OK, dobar je ovo rezultat”, zaključio je Gvardiola.
