Mančester siti je pobijedio – to je samo po sebi vijest s obzirom na to u kakvoj je formi aktuelni šampion Engleske u posljednja dva mjeseca.
“Građani” su slavili u Lesteru 2:0 i to im je tek drugi trijumf u posljednjih 14 utakmica u svim takmičenjima.
Daleko od toga da je tim Pepa Gvardiole pobijedio rutinski na “King Paueru”, Lester je imao dovoljno šansi da pokvari planove favoritu, ali ogroman kvalitet Sitija je presudio.
Savinjo je u prvom poluvremenu donio prednost gostima, a da tri boda idu u Mančester bilo je jasno kada se upisao Erling Haland – pogodio je glavom u 74. a Savinjo je ovog puta bio asistent.
Norvežanin je postigao 14. gol u Premijer ligi u sezoni.
Standings provided by Sofascore
