Nije bilo dileme u Monci gdje je Inter pokazao silu u 20. kolu Serije A.
Lider je deklasirao domaćina 5:1, a po dva gola su postigli Lautaro Martines i Hakan Čalhanoglu.
Turčin je pogodio iz penala u 12. minutu, a već u 14. je Lautaro pogodio za 2:0.
Čalhanoglu je u drugom dijelu bio strijelac i iz igre, a tračak nade Monci je donio Mateo Pesina iz jedanaesterca dvadesetak minuta prije kraja.
I nakon toga se sve pitao Inter, pa je Martines još jednom (sa bijele tačke) našao put do mreže prije nego je konačan rezultat postavio Markus Tiram.
Inter uz meč više od drugoplasiranog Juventusa ima i pet bodova više.
