Inter se pridružio Milanu, Napoliju iVeroni, timovima koji imaju perfektan skor nakon dva kola Serije A.
“Neroazuri” su večeras na Sardiniji bili bolji od Kaljarija 2:0.
Oba pogotka gosti su dali u prvom poluvremenu. Igrao se 21. minut kada je Denzel Damfris udarcem iskosa sa desne strane matirao Borisa Radunovića. Asistirao mu je Markus Tiram.
Na isteku pola sata igre u strijelce se upisao i Lautaro Martines. Argentinac je pokazao sjajnu kontrolu i hladnokrvnom reakcijom postavio konačan ishod.
Inter u narednoj rundi čeka Fiorentinu, dok će Kaljari prvi trijumf tražiti u susretu sa Bolonjom.
Ranije danas su Salernitana i Udineze igrali 1:1.
