Inter nije iskoristio kiks Juventusa u Lećeu da preuzme prvo mjesto u Seriji A – “neroazuri” su na svom terenu odigrali neriješeno 2:2 protiv Parme.
Ekipa Antonija Kontea povela je u 23. minutu, kada je poslije udarca Kandreve sa 20 metara lopta zakačila jednog igrača gostiju i završila u mreži.
Uslijedila je sjajna reakcija gostiju. Dali su dva gola za četiri minuta i to veoma lijepa preko Karamoa i Žervinja, a oba puta je greške pravio Marcelo Brozović.
Izjednačio je na početku nastavka Lukaku, ali do kraja Inter nije uspio da kruniše inicijativu i pobjedi.
Inter ima bod manje od vodećeg Juventusa, Parma je sedma sa 13 bodova.
