Utakmica 18. kola Serije A između Torina i Đenove ostaće upamćena po debiju mlađanog Pjetra Pelegrija.
Sa 15 godina i 280 dana, Pelegri je postao najmlađi debitant u istoriji Serije A, ali tu titulu dijeli sa Amedeom Amedeijem, koji je 1937. godine bio podjednako star (ili bolje reći mlad) kada je zaigrao u dresu Rome.
Talentovani napadač Đenove je tek drugi igrač rođen tokom 2000-ih koji je obukao dres jednog tima u Seriji A, prije njega to je učinio igrač Juventusa, Moise Kin, rođen godinu dana prije njega.
Pelegri je šansu protiv „bikova“ dobio dva minuta prije kraja meča, koji je njegov tim izgubio rezultatom 1:0.
