Trener Intera Antonio Konte smatra da je poraz od Sampdorije 2:1 došao spletom nesrećnih okolnosti.
“Neroazuri” su u Đenovi prekinuli seriju od osam uzastopnih pobjeda.
“Zaslužili smo više, bio je ovo čudan meč. Bilo je teško nakon dva primljena gola i promašenog penala, ali bili smo dobri, jednostavno nije nas htjelo. Sve je bilo naopako, čak smo pogodili stativu nakon odbranjenog penala…”, rekao je Konte.
Nedovoljno oporavljeni Romelu Lukaku igrao je manje od pola sata.
“Mnogo nam znači, ali nismo bili prvi put bez njega. Nije to razlog poraza, jednostavno splet okolnosti. U nekim mečevima zaslužiš da izgubiš, ovo je jedan od onih u kome smo zaslužili sve osim poraza”, kazao je Konte.
