Ne tako davno Atalanta je demolirala Juventus usred Torina 4:0 i djelovalo je da klub iz Bergama ima snagu da se bori za Skudeto.
Nepun mjesec kasnije, Atalanta je na deset bodova zaostatka za vodećim Interom i jasno je da ekipa Đan Pjera Gasperinija više nije konkurentna za najaviši plasman.
Treći vezani poraz Boginji nanio je Lacio, koji je golom Danca Isaksena u 54. minutu slavio sa minimalnih 1:0.
Atalanti sada opasno visi i plasman u Ligu šampiona, a u tu trku ponovo se uključio tim sa Olimpika – Lacio je na diobi petog mjesta 55 bodova, ima tri manje od današnjeg rivala.
