Fudbaleri Liverpula nastavljaju dominaciju u Premijer ligi. Šampion Engleske vezao je petu uzastopnu ligašku pobjedu od početka sezone i to protiv gradskog rivala Evertona.
Mersisajd derbi na Enfildu završen je rezultatom 2:1.
Redsi su zasluženo slavili, a epitet igrača utakmice pripada Holanđaninu Rajanu Gravenberhu.
Najprije je u desetom minutu iskoristio sjajnu asistenciju Mohameda Salaha i u stilu slavnog zemljaka, Marka van Bastena, savladao Džordana Pikforda.
Davedesetak minuta kasnije odlično je proigrao Uga Ekitikea, a Francuz je rutinski završio akciju poslavši loptu kroz noge golmanu Evertona.
“Karamele” su zaigrale konkretnije nakon velikog odmora i preko Idrize Geja smanjili u 58. minutu.
Promijenio je taj gol atmosferu na stadionu, dao veliku nadu gostima, međutim “redsi” ipak nisu ispustili prednost.
