Dinamo je bio bolji od Skenderbega u plej-ofu. Hrvatska ekipa je u prvom meču slavila 2:1, a na “Maksimiru“ 4:1.
Trener Dinama, Zoran Mamić, rekao je da je jako srećan zbog uspjeha njegove ekipe.
– Bila je ovo stresna utakmica u više navrata. Ipak, zasluženo smo prošli dalje. Plašio sam se na startu drugog dijela kada smo ostali sa igračem manje, ali brzo smo reagovali i riješili sve dileme – rekao je Mamić.
Žrijeb za grupnu fazu održače se u četvrtak u 17 sati i 45 minuta. Mamić priželjkuje najjače protivnike.
– Ne znam raspored šešira, ali neka nam iz prvog dođe Bajern Minhen, a iz drugog Real Madrid. Ne treba očekivati čuda, ali siguran sam da mnogima možemo pomrsiti račune – dodao je Mamić.
