Bajern i Mančester Siti sjutra igraju revanš utakmicu četvrtfinala Lige šampiona. U prvoj utakmici Siti je na Etihadu pobijedio 3:0 i velik je favorit za prolazak u polufinale.
U Bajernu je atmosfera loša nakon što je Sadio Mane udario šakom u glavu Leroja Sanea poslije poraza u Mančesteru, no Bajernov senator Tomas Miler ima plan kako do prolaska.
“Vjerujemo da još uvijek imamo šanse. Moramo dobro početi – možda voditi 1:0 do poluvremena. Ne moramo povećati na 3:0 nakon deset minuta, ali moramo pogoditi i nastaviti tako. Ako postignemo drugi gol do 80. minuta, imamo još 15 minuta. Vjerujem da je to moguće”, rekao je iskusni Njemac.
