Fudbaleri Čelsija pobijedili su kao gosti Malme 1:0, u četvrtom kolu H grupe Lige šampiona.
Meč u Švedskoj odlučen je u 56. minutu, kada je poslije odličnog prodora Hadsona Odoija po desnoj strani, Hakim Ziješ na drugoj stativi sačekao loptu i ubacio je u gol.
Čelsi ima devet bodova, baš kao i Juventus, koji od 21 sat igra protiv Zenita, dok je Malme na nuli.
Volfsburg je u G grupi pobijedio Salcburg 2:1 i makar privremeno preuzeo drugo mjesto u grupi.
Već u trećem minutu poveli su “vukovi” preko Bakua, da bi izjednačio u 30. Vober.
Konačan rezultat postavio je mladi Nmeča pola sata prije kraja.
Salcburg će i pored poraza ostati na čelu tabele sa sedam bodova, Volfsburg ima pet, a Sevilja, koja od 21 sat igra protiv Lila, tri boda.
