Žoze Murinjo je sinoć lansirao Feliksa Afenu-Đana, ovaj 18-godišnjak mu je vratio s dva gola kojima je donio pobjedu nad Đenovom 2:0.
Nakon prvog pogotka je mladi napadač iz Gane potrčao u zagrljaj Portugalcu, koji je otkrio o čemu se radi:
“Obećao sam da mu kupiti cipele koje mu se dopadaju ako postigne gol. Koštaju 800 eura, neću reći koji su brend. I dotrčao je da mi kaže da to ne zaboravim”, rekao je Murinjo i dodao:
“Kupiću mu ih ujutru, a poslijepodne igra Romina Primavera. Žao mi je trenera Danijelea de Rosija, ali Feliks neće biti u njihovom timu”, kazao je Murinjo.
