Mančester junajted poslije dva kola u Premijer ligi ima jedan bod.
Nakon poraza od Arsenala kod kuće, u kojem su realno zaslužili više, “crveni đavoli” su samo remizirali protiv Fulama, iako su imali prednost.
Navijači su bijesni na kapitena Bruna Fernandeša koji je kod rezultata 0:0 promašio penal, kasnije je loše reagovao kod izjednačujućeg pogotka rivala za konačnih 1:1.
Društvene mreže su se usijale, pa neki navijači žele i da klub proda Portugalca.
“Pošaljite tu propalicu u Arabiju”, “pucao prema zvijezdama, pogodio Mjesec. Bruno Fernandeš”, “Bruno Fernandeš, ovo nije ragbi”, samo su neki od komentara, koji su bili prisutni na društvenim mrežama.
Izdvaja se još jedan:
“Pošaljite tu propalicu u Arabiju”, aludirao je jedan od navijača na to što Bruno odavno ima bogatu ponudu sa Bliskog istoka.
Nema indicija da bi Bruno mogao da napusti “Old traford” ovog ljeta, ali njegova ne baš dobra forma je novi problem za menadžera Rubena Amorima.
