Napoli nije napravio lijepu uvertiru za revanš četvrtfinala Lige šampiona.
Na svom terenu je lider Serije A odigrao bez pogodaka sa Veronom.
Dobra vijest za navijače kluba sa juga Italije je povratak u tim oporavljenog napadača Viktora Osimena, koji je u posljednjih 20 minuta zamijenio Raspadorija.
Trener Lućano Spaleti promiješao je karte u želji da odmori ekipu za pomenuti revanš sa “rosonerima”.
U takvom odnosu snaga Napolitanci nisu dominirali, ali mogu sebi da priušte luksuz kiksa jer na vrhu tabele imaju 14 bodova više od Lacija.
Sa druge strane, Verona je osvojila važan bod u borbi za opstanak, iako je i dalje u zoni ispadanja.
Napoli će protiv Milana igrati u utorak, nakon što je u prvoj utakmici na “San Siru” poražen 1:0.
