Posljednja četiri meča Mančester siti nije mogao do pobjede nad Mančester junajtedom.
Kriza rezultata u duelima sa gradskim rivalom je prekinuta u velikom stilu – “građani” su slavili 3:0 na svom “Etihadu”.
Mnogo šansi je imao domaćin, iskoristio ih je “samo” tri, a pobjedu je najavio Foden na centaršut Dokua.
Belgijanac je kasnije bio asistent i kod pogotka Halanda za 2:0, a Norvežanin se upisao i sredinom drugog poluvremena kada je postavio konačan rezultat.
Pamtiće se i promašaji Halanda i Rejndersa, ali i Embeuma na drugoj strani – njega je kod 2:0 maestralno zaustavio Donaruma, debitant na golu Sitija.
