Golman Aston Vile Pepe Reina otkrio je da je imao gotovo sve simptome virusa korona i istakao važnost samoizolacije u borbi protiv ove pošasti.
Španski veteran tvrdi da je sada puno bolje…
“Imao sam simptome koronavirusa. Suv kašalj, groznica, teško disanje prošle nedjelje… Već se osjećam bolje. Pratim vijesti širom Evrope. Najvažnije je da se poštuju pravila i savjeti ljekara i tako će sve ovo prije završiti. Morate ozbiljno da shvatite izolaciju, jer tako sigurno pomažete u ovoj borbi”, ispričao je Reina.
Nekadašnji golman Barselone, Liverpula, Bajerna, Milana i Napolija kaže da je fudbal sada u drugom planu.
“Ljudska dobrobit je iznad svega. Ne znam hoćemo li ponovno igrati ove sezone, jer utakmice bez navijača za mene nemaju smisla. Znam da tu postoje ekonomski faktori, ali tako je to u svakom sektoru”, zaključio je Reina, koji je sa španskom selekcijom bio sjvetski prvak 2010. te dvostruki evropski prvak 2008. i 2012. godine.
