Stefan Savić je i derbi odgledao sa klupe, a Barselona je slavila golovima u drugom dijelu.
Nakon 0:0 poslije 45 minuta, za samo deset minuta dva pogotka. Prvo je Tores izašao sam ispred Ter Štegena nakon pasa Tjaga i realizovao zicer za 1:0. Ali poslije samo četiri minuta, u 55. Nejmar je izveo savršen slobodan udarac i poravnao je rezultat.
Mesi je ušao sa klupe i riješio je duel. Samo 17 minuta trebalo je argentinskom magu da prelomi. Nakon sjajnog duplog pasa sa Suarezom Mesi je postigao gol za tri boda Barse i prvi poraz Atletika ove sezone.
