Fudbaleri Atalante ostvarili su najbuljedljiviju pobjedu u popodnevnom programu Serije A.
Tim iz Bergama je kao domaćin pobijedio Sasuolo sa čak 5:1.
Zapata je dao dva gola, upisali su se još Pesina, Gosens i Mjurijel za lak trijumf.
Poraz Sasuola ublažio je Čirčes u 75. minutu.
Atalanta sada ima 25 bodova i na šestom je mjestu.
Važan trijumf ostvarila je Roma, koja je ostala u zoni Lige šampiona zahvaljujući golu Džeka dovoljnom za trijumf nad Sampdorijom.
Vučica ima 30 bodova, a Napoli je na 28 poslije trijumfa u gostima kod Kaljarija 4:1.
Zjelinski je pogodio dva puta, Lozano i Insinje po jednom za Napolitance. Kaljari je inače u 60. minutu izjednačio preko Žoaa Pedra, ali ih je iključenje Likojanisa potpuno poremetilo.
Lacio igra loše, a od posljednjih pet mečeva u Seriji A dobio je samo jedan.
Na gostovanju Đenovi je remizirao 1:1.
Imobile je najavio u 15 dobar dan za Rimljane, ali je Destro donio bod domaćinu.
Marušić je odigrao čitav meč za Lacio koji ima samo 22 boda iz 15 mečevai trenutno je deveti.