Mančester siti je drugi put u samo pet dana slavio minimalnim rezultatom.
Kao ni protiv Brentforda, aktuelni prvak Engleske nije briljirao ni na gostovanju Bornmutu, ali Pep Gvardiola makar može da bude zadovoljan rezultatom.
Bilo je 1:0 za “građane”, presudio je gol Fila Fodena u prvom poluvremenu.
Kod 0:0 je Siti imao nekoliko šansi, kao i nakon prednosti, ali je domaćin dominirao u posljednjih dvadesetak minuta.
Vjerovatno je i zaslužio makar bod, ali Siti je opravdao ulogu favorita i 14. put zaredom savladao Bornmut u Premijer ligi.
