Kadetska reprezentacija Crne Gore pobjedom od 2:0 nad Gibraltarom započela je nastup na UEFA Razvojnom turniru koji se održava u Zenici.
Izabranici Slobodana Draškovića, pored golova Andreja Bajovića u 8. i Matije Lambulića u 20. minutu, mogli su još nekoliko puta da zatresu mrežu protivnika.
Dobre šanse imali su i Kristijan Ernec, Lazar Mijović i Marko Vujačić.
“Možemo biti zadovoljni rezultat, ali ne toliko igrom. Rano smo dali dva gola i tako riješili pitanje pobjednika. U nastavku smo odigrali bolje, međutim, nijesmo iskoristili nekoliko odličnih šansi”, kazao je selektor Drašković.
U nedjelju od 10 časova ,,sokoli” će igrati protiv Jermenije drugi meč na turniru.
