Lućano Spaleti je vratio Skudeto u Napulj poslije 33 godine.
Napolitanci su sinoć osigurali i teoretski titulu pet kola prije kraja.
Spaleti je nakon meča u Udinama imao posebnu posvetu za navijače.
“Kada vidim da su navijači nasmijani i puni radosti to je za mene najveća emocija. Ovo je za vas. Vi ste ti koji prenosite sreću”, kazao je Spaleti i dodao:
“Problem u ovim okolnostima je taj što iza nas stoji naporan rad i ne možemo u potpunosti da uživamo u pobjedama. Jer uvijek je nešto ostalo da se uradi. Ali i pored toga osjećamo veliku radost. Malo se sada osjećam opuštenije kada smo navijačima podarili ovu radost. Gledali su Dijega Maradonu kako igra, pa se možda i osjetila njegova podrška,” rekao je Spaleti.
