Džon Teri karijeru nastavlja u redovima engleskog drugoligaša Aston Vile.
Bivši kapiten Čelsija odbio je mnoge ponude, među kojima i onu Birmingema i odlučio se za dolazak u redove Aston Vile, u koju stiže kao slobodan igrač.
Teri je prije mjesec i po dana okončao 19 godina dugu karijeru u redovima aktualnog šampiona Premijer lige, a u timu engleskog drugoligaša zarađivaće oko 68.000 eura nedjeljno.
Smiješi mu se i više od dva miliona eura bonusa ako pomogne Aston Vili da se vrati u društvo najboljih.
Potpisao je ugovor na jednu godinu.
Teri je ukupno za Čelsi zabilježio 690 nastupa i pritom postigao 65 golova. Osvojio je pet titula, isto toliko trofeja u FA kupu, tri Liga kupa, te Ligu šampiona i Ligu Evrope.
