Velike komplimente dobio je Luka Dončića od Kajrija Irvinga, nakon drugog meča finala Zapada između Minesote i Dalasa.
Sjajni Slovenac je trojkom riješio utakmicu u Mineapolisu i približio svoj tim plasmanu u veliko NBA finale.
“Zadivljen sam. Ja tu riječ ne koristim olako. Mislim da je odgovorio. Kada je Luka prvi put ušao u ligu, postavljalo se pitanje kako će to da izgleda. Znam nekoliko ljudi, koji su se ‘ugrizli za jezik’. Gledati ga kako se uzidže i postaje najbolji svih vremena je nevjerovatno. Ne uzimam to zdravo za gotovo jer sam igrao sa najvećima svih vremena. Želim da mu budem podrška, da nastavim da budem sve vrijeme pored njega i pustim ga da nastavi da leti”, rekao je Irving.
Dalas u finalu Zapada vodi 2:0 protiv Minesote i u sljedeća dva meča kod kuće ima šansu da ovjeri mjesto u finalu NBA.
