Ekipa iz Ohaja stekla je veliku prednost i ukoliko pobijedi u sljedeće dvije utakmice pred svojim navijačima plasiraće se u veliko finale najkvalitetnije košarkaške lige na svijetu.
Nakon poluvremena u kojem je Klivlend stekao pet poena viška, meč je prelomljen u trećoj dionici koju su “kavsi” riješili u svoju korist sa 30:17.
Centralna figura utakmice bio je LeBron Džejms.
Postigao je 31 poen, imao 11 asistencija, a nedostajao mu je skok za tripl-dabl.
Šampert je pogodio četiri trojke iz šest pokušaja, a ukupno je ubacio 16 poena.
U domaćoj ekipi 13 poena ubacio je Šreder, a jedan manje dodali su Horford Korver i Tig.
