Denis Rodman je u svom stilu komentarisao generaciju Čikaga, koja je dominirala NBA ligom.
Naročito je zanimljiv bio njegov komentar na račun Majkla Džordana.
“Vidio sam Majkla Džordana kako igra sa Bulsima prije nego što sam se pridružio timu. Svi ste ga vidjeli. Bio je užasan igrač. Bilo je grozno biti s njim. Stalno je igrao jedan na jedan i loše šutirao. Odjednom smo postali tim, počeli smo da pobjeđujemo i svi su zaboravili ko je on”, rekao je Rodman.
Smatra da je veliki uticaj na njega imao Skoti Pipen.
“Teško je i rekao sam to ranije, ali hvala Bogu da je Džordan imao Pipena jer nije mogao sam. Majkl je imao 40 poena u svakoj utakmici, a Skoti je popunio praznine. To ga je učinilo velikom zvijezdom. Skoti je inovator kada su u pitanju krila. Današnja djeca su iste visine i rade isto. Njegova igra je bila besprekorna, bio je veoma dobar. Da je igrao danas, imao bi tripl-dabl prosjek”, dodao je Rodman.
