Odom se tri dana nakon što je pronađen bez svijesti u javnoj kući, probudio iz kome, i obratio se Kloi riječima: “Hej dušo” svojoj bivšoj supruzi koja se nalazila u njegovoj bolničkoj sobi od kada je pronađen bez svijesti.
Mediji u SAD-u su izvijestili da Lamar više nije na aparatima na disanje, što je veliki korak u njegovom oporavku.
Neki mediji tvrde da je Lamar tražio da vidi svoju djecu.
On je, navodno, otvorio oči i kada su ga pitali da li želi da vidi svoju djecu, klimnuo glavom.
Dvostruki NBA šampion sa Los Anđeles Lejkersima, i najbolji šesti igrač najjače lige svijeta prije četiri sezone, pronađen je u utorak u besvjesnom stanju na “Ljubavnom ranču” u blizini Las Vegasa.
Vlasti u Nevadi saopštile su zatim da je Odom kobne noći u bordelu konzumirao biljnu vijagru, kokain i popio flašu konjaka, a prethodno se tri dana provodio sa nekoliko djevojaka.
Odomovo stanje je “malo bolje, ali i dalje kritično”, prenijeli su mediji.
Vjeruje se da je košarkaš imao moždani udar poslije predoziranja na “Ljubavnom ranču”.
Inače, Odom je posljednjih godina imao velike probleme sa drogom i zakonom. Njegov cijeli život je bio problematičan, majka mu je preminula od raka kada je imao samo 12 godina, odgajila ga je baba, a sa ocem, narkomanom, nije bio u kontaktu sve do posljednjih nekoliko godina.
Iako se činilo da je sve to ostavio iza sebe, problemi su uslijedili posle velikih tragedija koje su mu se desile – 2006. godine mu je umro sin Džejden sa samo pola godine, nedavno su mu preminula dva prijatelja, dok je vraćajući se sa jedne od sahrana njegov rođak kolima usmrtio 15-godišnjeg biciklistu.
