Bivši NBA as Šekil O’Nil izabrao je trojicu košarkaša, koji su po njegovom mišljenju sada najbolji u najjačoj ligi na svijetu.
U izabranom društvu nalaze se igrači Lejkersa, Toronta i Golden Stejta.
O’Nil se odlučio za Lebrona Džejma, Kavaja Lenarda i Kevina Durenta.
“Lenard je odličan igrač. Kada sudije ne sviraju faul nad njim, on se ne buni, već nastavlja da igra. On je mješavina stare i nove škole i sigurno je među tri najbolja igrača u ligi”, kazao je O’Nil i kratko dodao:
“Lebron je najbolji, dok je Kevin Durent najbliži drugoj poziciji”.
Kavaj Lenard je nedavno predvodio Toronto do prve titule šampiona NBA lige u istoriji ovog kluba.
