Crveno-bijeli su stigli do prve pobjede u TOP16 fazi Evrolige iako da gotovo nijesu imali pomoć od najboljeg igrača Kvinsija Milera koji je ubacio samo četiri poena.
“Čestitke igračima na pobjedi. Mislim da smo imali od starta dobar pristup utakmici. Bilo je grešaka posebno u fazi zagrađivanja protivničkih igrača, i u prvoj i u drugoj četvrtini rival je imao devet ofanzivnih skokova, ali uspjeli smo da pametnim napadom iz odbrane dođemo do rezultatske ravnoteže”, rekao je Radonjić i dodao:
“Jako bitno za nas je to što smo uspjeli da povedemo u drugoj četvrtini. Dobro smo reagovali na startu treće četvrtine i čuvali prednost. Znali smo da će PAO svojim kvalitetom doći do pozicije da može rezultatski da se vrati u meč. Izdržali smo i to, u drugom poluvremenu imali smo još bolji skok nego u prvom, i igrali još bolju odbranu, a pametnim napadom čuvali smo razliku i došli do velike pobjede za nas, ne samo rezultatski”
