Superstar Hjustona Alperen Šengun kasno sinoć po našem vremenu imao je fenomenalan duel sa Nikolom Jokićem.
Obojica su upisali tripl-dabl, a pobjedu su odnijeli Jokićevi Denver Nagetsi.
“Nevjerovatan je, odličan igrač u napadu. Može sve u napadu i još ima uz sebe Džamala Marija. Pokušao sam da ga čuvam i ne možete da ga dirnete, jer stalno izvlači faulove. Samo se trudimo da se čvrsto pozicioniramo i pariramo najbolje što možemo”, rekao je Šengun, koji je ubacio 31 poen, uhvatio 10 skokova i podijelio 10 asistencija.
“Ipak je on trostruki MVP. Vjerujem da ni on nije dobijao faulove u mojim godinama. Vremenom, doći ću ja do tog nivoa”, dodao je Šengun.
Uslijedio je i komentar na račun nadimka “Bejbi Jokić”.
“Bilo je u redu dok nisam došao u NBA. Porede me sa najboljim igračem, tad je to bilo lijepo. Sad sam na svom putu”, naveo je Šengun.
