Veliku čast dobio je Ante Tomić, koji je postao prvi stranac kapiten Barselone u istoriji katalonskog kluba.
Poslije 92 godine “blaugrana” ima kapitena koji nije domaći igrač.
Hrvatski reprezentativac naslijediće traku od Huana Karlosa Navara, koji je poslije dvije decenije završio karijeru.
“Veoma sam ponosan zbog časti koja mi je ukazana. Ovo će biti moja sedma sezona u Barseloni. Sa te strane sam najiskusniji u klubu. Kapitenska traka je velika odgovornost, naročito poslije odlaska Navara”, rekao je Tomić.
Tomić je u Barselonu došao 2012. godine iz najvećeg rivala Reala.
Sa 455 utakmica je stranac sa najviše nastupa u dresu “blaugrane”.
