Nikola Vučević će u odličnoj formi dočekati doigravanje u NBA ligi.
Crnogorski reprezentativac odigrao je sjajan meč u pobjedi Čikaga na parketu Detroita 127:105.
Naš as je za 37 minuta u igri ubacio 27 poena, uz 11 skokova i četiri asistencije.
Efikasniji od njega u pobjedničkom timu bio je samo Demar Derozan sa 39 koševa i sedam dodavanja.
Čikago je vodio tokom cijele utakmice i na kraju rutinski slavio.
U poraženoj ekipi Džejlen Djuren je upisao 20 poena i uhvatio 11 lopti, dok je 20 koševa imao i Markus Saser.
Čikago dva meča prije kraja ligaškog dijela takmičenja ima skor 38.42 na devetom mjestu Istoka.
