Danas je na programu finale u ženskom singlu na Vimbldonu, pomalo neočekivano su u borbi za trofej Jasmin Paolini i Barbora Krejčikova.
No, kod dama odavno ne postoje senzacije, pa se danas traži osma različita pobjednica u posljednjih osam godina,
Još od 2016, naime, nije se dogodilo da slavi teniserka koja već ima pehar na londonskoj travi. Tada je to uradila Serena Vilijams…
Nakon legendarne Amerikanke do trofeja su stizale Garbinje Mugurusa, Anželik Kerber, Simona Halep, Ešli Barti, Jelena Ribakina i Marketa Vondrušova.
Krejčikova je osvojila Rolan Garos 2021, dok je Paolini ove godine na pariskog grend slemu igrala finala kada je bolja bila Iga Sfjontek.
Italijanka sada ima novu šansu da dođe do velikog trofeja, ali je već napravila jedan podvig.
Prije nje su samo Rodžer Federer, Rafael Nadal, Novak Đoković, Serena Vilijams i Endi Marej u istoj godini igrali finale Rolan Garosa i Vimbldona.
Duel Paolini i Krejčikove počinje u 15 sati.
