Investiciona kompanija Noor Capital iz Abu Dabija potvrdila je da je 21. januara kupila tri tone zlata od Centralne banke Venecuele.
Taj investicioni fond je saopštio da će se u narednom period suzdržati od novih transakcija dok se situacija u Venecueli ne stabilizuje, prenosi B92.
Svjetske agencije su ranije objavile da Venecuela namjerava da u narednim danima proda 15 tona zlata Ujedinjenim Arapskim Emiratima (UAE) iz rezervi venecuelanske Centralne banke koje bi bile isplaćene u eurima.
Venecuela je prošle godine u Tursku izvezla zlato u vrijednosti od 900 miliona USD.
