Lider VMRO-DMPNE Nikola Gruevski tvrdi da je uvijek bio uz makedonski narod kad god je bilo teško, prenosi televizija Telma.
“Nigdje nijesam pobegao, uvijek sam bio tu u teškim trenucima za Makedoniju. Tako je bilo i za vrijeme poplava i za vrijeme napada u Kumanovu”, poručio je on.
Komentarišući izjavu Zorana Zaeva da su događaji u Sobranju bili pokušaj ubistva sa predumišljajem, Gruevski kaže da ako je neko htio da ubije Zaeva, mogao je to da uradi, jer se na pet metara od njega nalazilo sto ljudi.
“Neko je mogao da izvadi pištolj i ubije ga”, smatra Gruevski.
On je u emisiji Top tema na TV Telma rekao da je protiv nasilja, ali da je apsurdna izjava Zaeva da su oni koji su ušli u Sobranje namjeravali da ga ubiju.
