Rožajci u Limu ulovili mladicu od 13 kilograma

Rožajski ribolovci Almir Ćorović i Nedžad Kardović izvadili su nesvakidašnji primjerak mladice iz rijeke Lim čija težina  iznosi 13 kilograma.

Mladica je najveći predstavnik salmonida u našoj zemlji i najznačajnija je riba u sportskom ribolovu varaličarenjem. Naseljava isključivo rijeke dunavskog sliva i gornje i srednje tokove većih pritoka.

Najpoznatije mladičarske rijeke su Drina, Una, Sana, Lim, Piva, Tara, Uvac i Vapa u kojima se, i pored prorijedjene populacije ove plemenite ribe, mogu uloviti kapitalni primjerci.

Jedan od tih je upravo ovaj kojeg su na Limu izvadili rožajski ribolovci.

S.B.