Rijeka našeg trenera Radomira Đalovića propustila je još jednu šansu da se odlijepi na vrhu, iako je rival bio velikan – tim sa Rujevice poražen je 1:0 na Maksimiru od Dinama u utakmici 34. kola SuperSport HNL-a.
Dinamo se ovom pobjedom približio Rijeci i Hajduku na samo bod zaostatka četiri kola prije kraja prvenstva.
“Težak poraz za nas, treći zaredom. Danas smo loše ušli u utakmicu, primili smo gol, neki igrači u prvih 20 minuta nijesu izgledali kako treba. Mislim da smo u drugom poluvremenu bili bolji, imali smo i stativu preko Čopa, ali ništa. Okrećemo se narednoj utakmici, moramo nastaviti da igramo i nadamo se da će pobjede doći”, rekao je Đalović.
Što ste rekli igračima na poluvremenu?
“Rekao sam im da igraju slobodno, da nastave da igraju kao do sada, jer ne vidim nijedan razlog da budu u grču”.
Što sada za Goricu?
“Imali smo protiv Osijeka sve u svojim rukama, isto tako i u Puli, ali nijesmo uspjeli da pobijedimo. Gorica je pokazala da je dobra ekipa, ima dobrog trenera, a sada je na nama da pokažemo da možemo”.
Ajde osvojite to. Rijeka je dobar grad i zaslužuje titulu.